2008年11月3日 星期一

寒舍之家電

不少友人關心寒舍進度,其實寒舍內外磚瓦業已鋪好,亦已拆棚,主要只餘屋內髹油、廚櫃及廁所潔具。可是,準備寒舍的工作卻有加無減。

幾經辛苦,才從Roca、Kohler和Toto之中選定廁所潔具,現在又要面對家電問題。寒舍三層,兩層應會出租,是否包括全屋家電已經費索思量。不包固然省錢,但是除非租客一住廿年,不然把這些抽油煙機、洗衣機、熱水爐搬來拆去,只怕單位內傷。包,又難猜度租客心思,在價錢和功能上找得平衡。可況,從來是家電白痴,在各大代理出出入入,仍然不明各個牌子的箇中分別。或者在此拋磚引玉,且看能否得指路明燈。

煩者之最,肯定是煮食爐。村屋無煤氣,所選者只為石油氣跟電磁爐。電磁爐效能較高、清潔又易,加上家中無大廚,早已選定自用電磁爐。廚房工作枱面不大,因而決定會用金章牌ZICB689。對於出租單位,本來難得找到價錢相宜、尺寸合適的尚朋堂SR-2268,後來卻發現尚朋堂口碑較差。其實爐具大小一般、安裝容易,租客自選難度也不大,但如要使用嵌入式,工作枱面必須開孔,不過尺寸卻可以個個不同。開不開、買不買,煩中之煩。

熱水爐又有石油氣跟電爐之分,電熱水爐效能較高、體積較小,但是網上的討論不太正面。不過,不知部分意見是否只因使用舊款所致。現用村屋可以使用三相供電,即熱式功率一般在18kw以上、又已有恆溫,或許問題已經解決﹖德國寶電寶便宜,未知是否只因外形所致。

洗衣機要用前置式,代理推介金章牌、雪櫃是日立、冷氣飛歌的優惠價較海爾還要平,不同價錢、尺寸、牌子簡直搞得頭昏腦脹。

朋友,假如你真的有興趣承租,請及早通知,好教我為你籌謀。

10 則留言:

Kim 提到...

哇!好吸引呀,我有興趣!

提到...

喂,唔該晒!

匿名 提到...

咦,好似幾好喎。咳咳!請問……仲有無呀?
請聯絡natalielam1026@yahoo.com.hk

薛子珊 提到...

幾時同Poliburo開Party先?House warming時我地自然識做,何須為電器煩惱?

提到...

匿名:

觀乎電郵應是方太,觀乎詞句又似方生,果真雌雄莫辨。

薜總監:

若然各位不怕舟車勞頓、群蚊亂舞,當然歡迎。不過,大家又唔會送雪櫃、洗衣機咁大禮嘛……

提到...

容我多嘴兩句。

唔知你買咗爐未,個人觀感係電磁爐只係適合蒸煮打邊爐,煎炒幾乎唔可能,除非你落好多水,即係變煮。^^

又,關於電熱水爐效能問題,唔知你點樣衡量高低呢,因為由燒煤或天然氣轉化為電能果part已經有好大energy loss,如無記錯好似高達3、40%。

當然,如果冇煤氣,為求方便又唔多煮食ok o既。

提到...

淘:

意見多多益善,又豈會多嘴﹖

淘對電磁爐的觀念,似乎源於以往經驗。現時的家用電磁爐的"火數"己經大為改善,一般煎炒均無問題,只是受熱不如明火均勻。有興趣不妨看看笨B媽媽的分享。

至於電熱水爐的效能,在下自私,只是考慮家中以電或石油氣(村屋一般並無煤氣)的傳熱及費用,未如淘般從源頭作宏觀分析 :)

提到...

我都唔知係咪以往經驗lu,新買的1800W電磁爐,已有煎炒mode,好像是180W,但每次都不出廿秒極速燶,如果有人ok o既,咁可能係我問題……

提到...

淘:

現時電磁爐一般為2800W兩邊爐共享。不過話說回頭,如果係"極速燶",咁應該係大火過頭多過唔夠力喎……

提到...

係呀,係火力過猛好難控制o既問題,而非過弱。

座右銘

火雞最好味的時候,就係未食和食第一啖之間 - 麥兜

It is not from the benevolence of the butcher, the brewer or the baker that we expect our dinner, but from their regard to their own interest. - Adam Smith

I disapprove of what you say, but I will defend to the death your right to say it - Voltaire