大澳的天空

好朋友要到法國學法文半年(其實係果度半年，應該唔使學都識)，特別安排了大澳半日遊，等佢人在他鄉可以有個回憶。

我先坐約一個半鐘的巴士到東涌，會合大家後再要坐四十五分鐘的巴士到大澳，感覺上去到後已經覺得去完，真係未出發先頭暈。不過大澳風景又的確令人心矌神怡，更重要當然是嘗盡當地美食：天癸茶、山水豆腐花、雞屎藤茶果、碗仔翅 、XO醬燒賣(係，我知碗仔翅 、XO醬燒賣其實唔係大澳美食，但係大澳食覺得特別特別好味)。最後，一行人還在「狂風堤壩」欣賞日落、享受受狂風洗禮的感覺，同場加映壯伯徒手攀石壩，的確俾溏心風暴果個「妹仔生擒陳老爺」好睇。

晚上到尖沙咀妹記食晚飯。妹記可能真係俾妹仔食，份量好小，但一眾友人可能為免荷包受損(你知啦，要夾多一個人錢)，居然九個人食八個餸都話飽。

大澳的生活應該很靜，相信亦很悶，但或者白紙要夠白，你才覺得色彩顯眼。塗滿了色彩的一張紙，反而失去了主題。你自己有沒有想過你喜歡什麼呢﹖是大澳的寧靜，還是市區的繁華﹖